उपाध्यक्ष चौधरीलाई नेकपा एमालेका अध्यक्ष केपी शर्मा ओलीले बालकोट स्थित निवासमा एमाले प्रवेश गराएको एमाले पर्साका नेताले बताएका थिए । तर गाउँपालिकाको विकासका निम्ति नेकपा एमालेका अध्यक्ष ओलीसंगको भेटलाई लिएर एमालेका नेताहरुले विभिन्न संचार माध्यममा गलत प्रचार गराएको भन्दै उपाध्यक्ष चौधरीले खेद प्रकट गरेकी हुन् । उपाध्यक्ष चौधरीले मंगलबार एक प्रेस बिज्ञप्ती निकालेर म कुनै पार्टीमा प्रवेश नगरेको र जसपाप्रति पूर्ण बाफादर रहेको बताएकी छिन् ।
यस्तै, पर्सा क्षेत्र नं. ३ बाट संघीय सांसदमा जसपाबाट निर्वाचित भएका हरिनारायण रौनियारले गलत प्रचार गरेर एमालेका नेताहरु चरित्र हत्या गर्न लागेको आरोप लगाएका हुन् । एमालेमा जान मन नमिले पनि फोटो खिचाएको भरमा चरित्र हत्या गर्ने झुठो प्रचार भएको उनको आरोप छ ।
विकासको मुद्दामा कुनै पनि राजनितीक दलले अन्य राजनिती दलसंग राजनिती भेटघाट गर्न सक्ने बताउँदै नेता रौनियारले भेटेको भरमा कसैको चरित्र हत्या गर्नु गलत भएको बताए । विकासको मुद्दा र राजनिती सम्बन्ध राख्न मैले नै प्रधानमन्त्री शेरबहादुर देउवा र प्रचण्डजीसंग भेट गरेको समेत उनले प्रतिक्रिया दिए । भेटघाट गर्दैमा पार्टी नै छोडिएको भन्नु गल्त रहेको रौनियारको तर्क छ । साभार मध्यनेपाल डट कम बाट
